हाम्रो बारे

नेपाली समाजमा गरिब, विपन्न तथा जेहन्दार विद्यार्थीहरूलाई आर्थिक तथा भौतिक सहयोग प्रदान गर्दै शिक्षा क्षेत्रमा नागरिक स्तरबाट सेवागर्ने संस्कृतिको विकास गर्ने उद्देश्यले “मुना–पुष्कर चालिसे परोपकार केन्द्र” को स्थापना गरिएको हो।

यस संस्थाले शिक्षा, सामाजिक सेवा, सचेतना अभिवृद्धि तथा सामाजिक उत्तरदायित्वका क्षेत्रमा सक्रिय भूमिका निर्वाह गर्दै नेपाली नागरिकहरूलाई विभिन्न माध्यमबाट सामाजिक सेवामा सहभागी गराउने लक्ष्य लिएको छ। साथै, नेपाली समाजमा सक्कली समाजसेवीहरूको निर्माणमा सहयोग पुर्‍याउँदै दीर्घकालीन सकारात्मक प्रभाव सिर्जना गर्ने संस्थाको मूल ध्येय रहेको छ।

मुना–पुष्कर चालिसे परोपकार केन्द्र “संस्था दर्ता ऐन, २०३४” को अधीनमा रही विधिवत रूपमा दर्ता भई सञ्चालनमा रहेको एक मुनाफारहित, जनहितकारी सामाजिक संस्था हो।